Бугун шахмат бўйича жаҳон чемпионати ярим финалида Ўзбекистон ва Ҳиндистон яна бир бор куч синашади

Исроил давлатида шахмат бўйича FIDE жамоалари ўртасидаги жаҳон чемпионати ярим финал босқичи бўлиб ўтади.

Кеча чорак финалда GM Нодирбек Якуббоев, GM Жавоҳир Синдаров, GM Шамсиддин Воҳидов, GM Жаҳонгир Воҳидовдан иборат Ўзбекистон терма жамоаси Украинани икки ўйинда 3-1 ва 2.5-1.5 ҳисобларида мағлуб этган эди. Бугун ўтказиладиган ярим финалда ҳамюртларимиз Ҳиндистон термасига қарши дона суради.

Ушбу икки жамоа гуруҳ босқичида ҳам ўзаро дона суришган ва унда Ўзбекистон 3-1 ҳисобида зафар қучган эди.

Ярим финал баҳслари Тошкент вақти билан 18:00 да старт олади.