Бугун Ўзбекистон (U15) терма жамоаси финалга тенг ўйинда майдонга тушади
- 15-август 2023, 14:41
- Yahyoxo’ja Ulug’xo’jayev
- 2
- Футбол
Хабарингиз бор, юртимиз пойхати Тошкент шаҳрида Мираброр Усмонов хотирасига бағишланган “Mirabror Usmanov Memorial Cup-2023” турнири давом этмоқда. Бугун, гуруҳдаги ҳал қилувчи икки ўйин бўлиб ўтади.
Ўзбекистон – Черногория
БАА – Саудия Арабистони
Айни дамда, гуруҳдаги ҳолат анча чигал. Биринчи турда кутилмаганда Бирлашган Араб Амирлигидан ташриф буюрган тенгқурларига имкониятни бой бериб қўйган жамоамиз 3 очко жамғарган холда иккинчи поғонани банд этган. Биринчи ўриндаги БААда 4 очко мавжуд. Икки ўйинда икки бор дуранг қайд этган Черногория эса, 2 очко билан учинчи ўринни эгаллаган.
Энг қизиғи шундаки, бугун бир йўла уч жамоада мусобақа ғолибига айланиш имконияти бор. Улар орасидаги энг яхши имконият сўзсиз – БААга тегишли. Улар 3 турда мотивацияни йўқотган Саудиялик тенгқурлари устидан ғалаба қозонса кифоя. 7 очко билан мутлақ етакчига айланади.
Ўзбекистон U15 термаси эса, (ҳар доимгидек) рақиб жамоаларнинг ўйинидаги ўзи учун қулай ҳисобни қайд этилишини кутиши шарт. Яъни, Чернагория устидан қозонилган ғалабадан сўнг, БАА Саудия Арабистони билан ўйинда очко йўқотса, биз биринчи поғонага кўтарилишимиз мумкин.
Черногорияда ҳам бизга ўхшаш холат. Улар бугун Ислом Исмоилов жамоасини йирикроқ ҳисобда енгса ва нариги ўйинида БАА очко йўқотса, ўз-ўзидан биринчи поғонага кўтарилиш имкониятига эга бўлади.
Хуллас, 3 тур интригаларга жуда бой. Ёш футболчилармиз бугун соат 19:00 да “Бунёдкор” аренасида Черногория билан тўқнаш келади. Баҳсни стадиондан томоша қилмоқчи бўлган ишқибозлар диққатига! Ўйинга кириш учун чипталар бепул!