Бугун Машарипов асосий таркибда ўйнайдими? ёхуд Ўзбекистон МТЖнинг Яманга қарши тахминий таркиби

Яманга қарши ўйинда Ўзбекистон сафида кимлар майдонга тушиши кўпчиликни қизиқтирмоқда ва муҳокаларга сабаб бўляпти. Чунки бу беллашувда аксарият инсонлар вакилларимизнинг устунлигини тахмин қилиб, бази етакчиларимизни Саудияга қарши баҳсга олиб қўйиш кераклигини айтмоқда.

Бу борада шарҳловчи Мурод Ризаев ҳам Жалолиддин Машариповни Яман билан учршувда ўйнамаслиги унинг ўрнига ҳимояда ҳаракат қиладиган Олег Зотеев қанот ярим ҳимоясида тўп тепа олишини, шунингдек, Зотеевнинг позициясини Иброҳимҳалил Йўлдошев тўлдира олишига ишончи комил эканлигини айтди.

Кўпчиликни қизиқтирган таркиб борасида SPORTS.uz сайти ўз тахминини баён қилади. SPORTS.uz сайти талқини бўйича тузиб чиқилган тахминий таркибда Зотеев олдинроққа ўтказилиши, Иброҳимҳалилга унинг ўрнида имконият берилиши мақсадга мувофиқ деб кўрилди.

Ҳал ҳолда рақамлар ва ўйин жиҳатдан устунлигимиз кўриниб турган баҳсда таваккал қилиб Машариповни асосий таркибга киритмаган маъқул. Албатта, ўйиннинг боришига қараб унинг майдонга тушиш ёки тушмаслиги ҳал қилинади. Жалолиддин битта сариқ карточка олса, Саудияга қарши муҳим беллашувни ўтказиб юборади.

Мурод Ризаев: Яман билан ўйинда Вадим Абрамовдан таваккал қилмаслигини ва Жалолиддин Машариповни майдонга тушурмаслигини сўраймиз

Вадим Абрамов Яманга қарши ўйин олдидан Жалолиддин Машарипов, таркибда ўзгаришлар қилиши мумкинлиги ва бошқалар ҳақида гапирди

Яман мураббийи: Фаластин Ўзбекистон устидан ғалаба қозонгач бизда ишонч пайдо бўлганди. Aммо...

Қуйида SPORTS.uz сайти талқини бўйича Ўзбекистоннинг Яманга қарши тахминий таркиби билан танишинг:

Дарвозабон: Санжар Қувватов

Ҳимоячилар: Иброҳимҳалил Йўлдошев, Олег Зотеев, Рустам Ашурматов, Умар Эшмуродов, Ҳожиакбар Алижонов

Ярим ҳимоячилар: Одил Аҳмедов, Икром Алибоев, Санжар Шоаҳмедов, Одил Ҳамробеков

Ҳужумчи: Элдор Шомуродов