BREAKING! Месси "Барса"дан расман кетди!

Хабарингиз бор, Лионель Месси каталонияликлар билан шартномаси якунлагани учун эркин агентга айланганди. 

Клуб расмий сайти хабарига кўра, аргентиналик футболчи жамоа билан янги шартнома имзоламайди. 30 июнь куни ўз якунига етган шартнома бир неча кун ичида қайтадан тузилиши тахмин қилинганди. 

"Клуб ва Лео Месси келишувга эришган ва бугун янги шартнома имзолаш ниятида бўлишига қарамай, Ла Лига регламенти билан боғлиқ иқтисодий ва таркибий тўсиқлар туфайли ҳужжатни расмийлаштиришнинг иложи йўқ. Бу ҳолат туфайли Лионель Месси энди "Барселона" шарафини ҳимоя қилмайди. Томонлар клуб ва футболчининг истаклари бажарилмаслигидан қаттиқ афсусда. "Барса" футболчига клуб тараққиётига қўшган ҳиссаси учун самимий миннатдорчилик билдиради ва унга шахсий ва профессионал ҳаётида омад тилайди",-дея ёзди "кўк-анорранглилар" матбуот хизмати.