"Бошида ҳаммаси ғалати эди"
- 21-ноябр 2020, 11:15
- Zohir Toshxo’jayev
- 0
- Футбол
Ўтган мавсумда кўп хатога йўл қўйган испаниялик дарвозабон Давид де Хеа “Манчестер Юнайтед”ни тарк этиши ҳақида гап-сўз тарқалиб кетган эди. Бу жараён ҳамон давом этмоқда. Машҳур голкипер бу масалага ойдинлик киритди.
- Манчестерда ўзимни худди ўз уйимдагидек ҳис қиламан. Бу жуда ёқимли туйғу. Мен бошқа тил ва маданиятга эга бўлган катта клубга келганман. Бошида ҳамма нарса ғалати туюларди. Вақт ўтган сари мен ўйинчи сифатида ўсиб бордим.
Кўп танқид қилишяпти. Мен ўз хатоларим устида ўрганяпман. Ҳаётда яхши-ёмон кунлар ҳам бўлади. Ҳозир ҳаммаси жойида. Олдинда мени ажойиб йиллар кутаётганига ишонаман. Катта клубларда юқори савияда узоқ йиллар ўйнашнинг ўзи бўлмайди. Мен бундан фахрланаман, - деди Давид де Хеа.
Испаниялик дарвозабон шу пайтга қадар “Манчестер Юнайтед” таркибида 414 та учрашувда майдонга тушган.