"Боруссия Дортмунд" собиқ футболчисини қайтаришга урунмоқда

Дортмунднинг "Боруссия" клуби Жейдон Санчони жамоага қайтариш борасида иш олиб бормоқда. "Sky Sports News" нашрининг маълумотига кўра, германияликлар ҳали "Манчестер Юнайтед"га расмий таклиф юбормаган, аммо футболчининг шартлари ҳақида маълумот тўпламоқда.

"Қизил иблислар" эса 25 ёшли англиялик футболчини тўлиқ сотишни афзал кўради. Бироқ, клуб яна бир мавсумлик ижарани ҳам инкор этмаяпти. Агар Санчо ижарага бериладиган бўлса, манкунианликлар шартномага тўлиқ сотиб олиш имкониятини ҳам киритилишини талаб қилади.

Эслатиб ўтамиз, ўтган мавсум Санчо ижара асосида "Челси" сафида ҳаракат қилган, бироқ лондонликлар уни тўлиқ сотиб олишдан воз кечганди. Санчонинг МЮ билан амалдаги шартномаси эса 2026 йил ёзигача мўлжалланган.