Биринчи голини уришга жуда яқин келган Шомуродовнинг ўйини қандай баҳоланди?
- 2-ноябр 2023, 17:22
- Zohir Toshxo’jayev
- 3
- Футбол
Клаудио Раньери қўл остида “Кальяри” жуда иродали жамоага айланиб бормоқда. А Сериянинг аввалги турида сардинияликлар “Фрозиноне”га қарши баҳсда 72-дақиқагача 0:3 ҳисобида ортда қолиб, қолган йигирма дақиқа ичида тўртта тўп киритишни уддалаганди.
Италия кубогининг 1/16 финалида “Удинезе” жамоаси меҳмони бўлган “Кальяри” яна иродали ғалабани қўлга киритди. 63-дақиқада гол ўтказиб юборган сардинияликлар ўйин якунланишига ўн дақиқа қолганида ҳисобни тенглатирди. Қўшимча таймларнинг сўнгги дақиқасида эса Лападула ғалаба тўпини киритиб, жамоасини кейинги босқичга олиб чиқди.
Учрашув таҳлили билан шуғулланган https://www.tuttocagliari.net сайти “Кальяри” футболчининг ўйинини қуйидагича баҳолади.
Радунович 6:
Биринчи болимда дарвозабон деярли томошабин вазифасини бажарди. Ўйиннинг иккинчи ярмида Лукканинг хавли зарбасини қайтарди.
Дзаппа 6:
16-дақиқада жароҳат олган Ди Пардонинг ўрнини эгаллаган футболчи ўз олдига қўйилган вазифаларни бажарди. Асосан рақиб футболчиси Камарани ёпиш билан шуғулланди ва олдинда кўриниш бергани йўқ.
Хацидиакос 6:
Позициясини яхши қўриқлади. Рақибга етарли даражада қаршилик кўрсата олди.
Витеска 6,5:
Ўз ҳаракатларини аниқ ва ишончли тарзда бажарди. Ўйинида ижобий ўзгариш кузатилди.
Ацци 5,5:
Бу футболчи рақибнинг юқоридан узатган пасларининг кўпини ўтказиб юборди. 75-дақиқада шрнини Лападулага бўшатиб берди.
Лападула 7:
Узоқ муддатли танаффусдан кейин майдонга қайтган тажрибали ҳужумчи ғалаба тўпини киритди.
Макумбо 6:
Майдон марказида устунликни таъминлади, рақибдан тўпни олиб қўйиш ва жамоадошларига еткаўзишда фаоллик кўрсатди.
Сулемана 5,5:
Яхши ўйнашга ҳаракат қилди. Лекин айнан унинг хатоси туфайли Гессан “Кальяри” дарвозасини ишғол қилди.
Дейола 6:
Қўшимча таймда майдонга тушган футболчи фаол ўйнади.
Янкто 6:
Формасини таклаб олаётган Янкто ҳужумчиларни тўп билан таъминлашга эътибор қаратди. Иккинчи бўлимда ўрнини Обретга бўшатиб берди.
Оберт 5,5:
Ҳимояланишда анча қийналди. Шу билан бирга тўп узатишда кўп хато қилди.
Ористанио 6.5:
Бу футболчи тўпни рақибдан олиб қўйиш ва “Удинезе” дарвозаси олдида хавфли вазиятларни яратишга ҳаракат қилди. Баъзан қулай вазиятда турган жамоадошларидан тўпни қизғанди.
Перейро 6:
75-дақиқада Ористанионинг ўрнига тушган футболчи анча фаол ҳаракат қилди.
Шомуродов 6:
Рақибнинг тажрибали ҳимоячилари билан рақобатлашиши тўғри келди. Жамоадошларига голли вазиятлар яратишга уринди. Биринчи бўлимда ўзи ҳам ҳисобни очиши мумкин эди. Голу ришга жуда яқин келган бўлса-да, Элдорга бу гал ҳам тўп киритиш насиб қилмади.
Виола 7,5:
75-дақиқада Шомуродов ўрнини эгаллаган футболчи жарима зарбасидан тўп киритди ва ҳисобни теншлаштирди.
Петанья 6,5:
Жамоасига жарима тўпларини ишлаб берди. Лападуланинг ғалаба голига пас берди.
Раньери 7:
“Кальяри” ҳужумкор ўйин кўрсатяпти, бироқ индивидуал хатолар кўпинчи жамоага қимматга тушяпти. Бироқ Раньери ўз шогирдларини охиригача курашишга ўгатди. Бу кейинги икки ўйинда мағлубиятни ғалабага айлантирди.