Бензема "Олтин тўп"ни ютиш учун асосий даъвогар бўлиб турибди

Испаниянинг "Marca" нашри жорий мавсум "Олтин тўп"ни ким ютиши кераклиги мавзусида сўровнома ўтказди.

Унга кўра, "Реал" ва Франция терма жамоаси ҳужумчиси Карим Бензема 38 фоиз овоз билан ғалаба қозонди. У ПСЖ ва Аргентина термаси етакчиси Лео Мессидан атиги 1 фоиз олдинда.

Кейинги ўринларни Роберт Левандовски ("Бавария", Польша, 14%), Криштиану Роналду (МЮ, Португалия, 4%), Жоржиньо ("Челси, Италия, 3%) ва Нголо Канте ("Челси", Франция, 2%) эгаллаган.

Маълумот учун, "Олтин тўп" совринини топшириш маросими 20 ноябрь куни бўлиб ўтиши режалаштирилган.