Беларусь чемпионати. Бугун 3 нафар легионеримиз ҳаракат қилаётган "Энергетик-БГУ" "Динамо" меҳмони бўлади

Бугун Беларусь Олий лигаси 15-турининг қолдирилган учрашуви бўлиб ўтади. Унда пойтахт клублари ўзаро баҳс олиб боради.

Тошкент вақти билан соат 17:00 да старт олиши белгиланган ўйинда Минскнинг "Динамо"си "Энергетик-БГУ"ни қабул қилади. Ғалаба айни пайтда иккинчи ўринда бораётган меҳмонларни пешқадамга айлантириши мумкин. 4-поғонадаги мезбонлар ҳам очколари сонини 1-ўриндаги "Шахтёр"га етказиб олиш имкониятига эга.

Маълумот учун, "Энергетик" сафида Бобир Абдиҳолиқов, Абдуқодир Ҳусанов ҳамда Амирбек Бақоев каби легионерларимиз тўп тепмоқда.