"Челси" ҳужумчиси Николас Жексон "Бавария"га ўтишга яқин турибди. Агар режалаштирилмаган ҳеч нарса содир бўлмаса, сенегаллик форвард сотиб олиш шарти билан ижарага олиниши ёки тўлақонли Мюнхен клуби футболчисига айланиши мумкин.
Журналист Флориан Плеттенбергнинг сўзларига кўра, мюнхенликларни турли ҳужумкор ролларда ўйнай оладиган Жексоннинг универсаллиги ўзига тортган, Германия чемпионлари раҳбарияти футболчининг менталитетидан ҳайратда қолган.
Николас Жексон "Челси" сафида 2023 йилдан буён тўп суриб келмоқда, у "кўклар" сафида барча мусобақаларда 81 та ўйинда майдонга тушиб, 30 та гол урган ва 12 та голли узатмани амалга оширган. Transfermarkt портали 24 ёшли футболчининг нархини 50 млн еврога баҳоламоқда.
Изоҳлар (0)
Ҳозирча изоҳлар йўқ