“Бавария” Ҳарри Кейн ёнига Англиянинг машҳур юлдузини олиб келади

Англия чемпионатидан 100 миллион еврога трансфер қилинган Ҳарри Кейн бугунги кунда “Бавария”нинг асосий қуролига айланиб қолди.

Энди мюнхенликлар Англия Премьер-лигасидан яна бир машҳур ўйинчини олиб келмоқчи. “Манчестер Юнайтед” тарбияланувчиси Маркус Рэшфорд муҳитни ўзгартириш учун бошқа клубга кўчиб ўтиш истагини билдирган.

Ҳужумчи манчестерликлар раҳбариятидан ўзини қўйиб юборишни сўрагани  ҳақида маълумотлар тарқатилди.

TEAMtalk нашрга кўра, “Бавария” 26 ёшли футболчини ўз сафига қўшиб олишни истаяпти. Сўнгги хабарларга қараганда, Маркусга ПСЖ ва “Марсель” клублар ҳам иш беришга тайёр.