"Барселона" Торресни қачон таништириши маълум

"Манчестер Сити" футболчиси Ферран Торреснинг "Барселона"га ўтиши деярли аниқ бўлиб улгурди. 

Каталония клуби 21 ёшли ҳужумчининг трансфери ҳақида 27 декабрь куни эълон қилади. Эртаси куни унинг расмий тақдимоти бўлиб ўтади. Айни вақтда ушбу тадбирга қизғин тайёргарлик кўрилмоқда.

"Кўк-анорранглилар" ярим ҳимоячи учун тахминан 55 миллион евро тўлайди, шунингдек, 10 миллион евро миқдорда бонуслар ҳам мавжуд.