"Барселона" иштирокидаги турнир бекор қилинди

Каталония Суперкубогининг 2019/20 мавсуми коронавирус пандемияси сабаб ўтказилмайдиган бўлди, дея хабар бермоқда Каталония футбол федерацияси.

Ушбу унвон учун "Барселона" ва "Эспаньол" клублари кураш олиб бориши кутилаётган эди. Турнирнинг ўтган йилги босқичида "Жирона" "Барса"ни 1:0 ҳисобида мағлуб этган эди.

Олдинроқ, Испания ҳукумати спортчиларга 4 майдан машғулотларни бошлашга рухсат берган эди.