"Барселона" афсонаси клубга қайтади!

"Барселона" ўз афсоналарига ишонч билдиришда давом этади. Испан ОАВ хабар тарқатган хабарга кўра, бир неча йиллар мобайнида "кўк-анорранглилар" сардори сифатида ҳаракат қилган Карлес Пуйоль яна Каталонияга қайтади.

У клуб қошида ташкил этилган ижтимоий лойиҳалар билан ишлайди. Унга спорт бўйича ҳеч қандай топшириқ юклатилмаслиги айтилмоқда.

"Карлес Пуйоль ва унинг рафиқаси "Барселона" билан биргаликда амалга оширишни истаган кўплаб лойиҳаларга эга. У бошқарувчи вазифасида ишлайдими ёки йўқ, буни билмайман. Аммо Карлес уларда иштирок этади. Пуйоль кўплаб хайрия лойиҳаларида қатнашган ва Лапорта унга ишонади",-дея Ориол Доменек сўзларидан иқтибос келтирмоқда "Catalunya Radio".

Карлес Пуйоль 1999-2014 йиллар оралиғида "кўк-анорранглилар" шарафини ҳимоя қилган ва жамоа ғалабаларига ўзининг муносиб ҳиссасини қўшган.