“Барса” Мессининг рақами бўйича бир қарорга келди

“Барселона” жамоани тарк этган Лионель Мессининг 10-рақами бўйича бир қарорга келди.

Унга кўра, бу рақам бир мавсум давомида бўш туради. Кейин вазиятга қараб, бу рақам клуб академияси тарбияланувчиларидан бирига топширилади.

Месси кетганидан кейин ҳеч бир футболчи ундан қолган рақамни олишга ботина олгани йўқ. Рональд Куман 10-рақамни бразилиялик плеймейкер Филиппе Коутиньога таклиф қилган эди. Кейинроқ аргентиналик тўпурар Серхио Агуэро ҳам ҳамюртига тегишли бўлган рақамни олишни истамади.

Лионель Мессининг ўзи эса ПСЖга борганидан кейин 30-рақамни танлади. Париж клубида 10-рақамда ўйнаётган Неймар Мессига ўз рақамини бермоқчи бўлди. Бироқ, аргентиналик ҳужумчи бунга кўнмади.