“Барса”: Энди бизга ҳеч ким керак эмас!

“Барселона” спорт директори Деку клуб раҳбарияти қишки трансфер ойнаси даврида жамоада қандай ўзгаришлар бўлиши мумкинлиги ҳақидаги саволга жавоб бериб ўтди.

- Биз ёзги трансферлар вақтида нимани хоҳлаган бўлсак ва қўлимиздан келган ишларни амалга ошириб бўлдик. Кўп ўйинчиларга сафга қайтиш ва таркибга кириш учун вақт керак. Қишки трансферлар вақтида ҳеч қандай трансферларни амалга оширмаймиз, - деди Деку.

Ўтган мавсум Испания чемпионлигини қўлга киритган каталонияликлар ёзда ҳам кўп харидларга қўл ургани йўқ. Клуб дарвозабон Жоан Гарсия ва ҳужумчи Руни Барджи трансферини сотиб олди. “Манчестер Юнайтед”дан Маркус Рэшфордни ижарага олди.

Бундан ташқари, “Барселона” ёзда ўн нафар футболчи билан хайрлашди. Кетган ўйинчилардан тенг ярми бошқа клубларга ижарага берилган.