Барча кутган жанг "UFC 315" турнирида бўлиши мумкин

Хабарингиз бор, ярим ўрта вазнда амалдаги UFC чемпиони Белал Муҳаммад ва қозоғистонлик Шавкат Раҳмонов ўртасидаги тўқнашув "UFC 310" турнирида ўтказилиши керак эди. Бироқ Белал жароҳат олиб, жангни тарк этишга мажбур бўлганди.

Энди эса ушбу баҳсни "UFC 315" да кўришимиз мумкин. Тўғри, аниқ сана ва жой ҳозирча номаълум бўлса-да, жангчилар мазкур таклифга қарши эмас.. 

Маълумот учун, ярим енгил вазн чемпиони Илия Топурия ҳам ушбу турнирда иштирок этиш истагини билдирган.