Баҳодир Жалолов жаҳон чемпионлиги йўлида асосий рақибларини айтди!

Жорий йилнинг 1-14 май кунлари Тошкентдаги Humo Arena мажмуасида Ўзбекистон спорти тарихида илк бор бокс бўйича катталар ўртасида жаҳон чемпионати ташкил этилади. XXII жаҳон чемпионатида дунёнинг беш қитъасидан келган боксчилар 13 та медаллар жамланмаси учун рингга чиқади.

Жаҳон чемпионатининг асосий юлдузларидан бири ҳаваскор боксчилар ўртасида ўта оғир вазн тоифасида жаҳон ва олимпиада чемпиони, жаҳон чемпионати совриндори, уч карра Осиё чемпиони Баҳодир Жалолов бўлади.

Баҳодир Жалолов профессионал рингда ҳам мағлубиятсиз фаолият юритаётгани ва 12 та жангнинг барчасини нокаут билан якунлагани унинг имкониятлари жуда юқори эканини далолат беради.

Мамлакатимиздаги themag.uz сайти жаҳон чемпионати арафасида Баҳодир жалолов билан суҳбат уюштирди.

Ўзбекистонлик бокс мухлислари эътиборига ушбу суҳбат давомида машҳур боксчимиз айтган айрим фикрларни ҳавола қиламиз.

- Афсуски, Тошкентга айрим кучли боксчиларнинг келмайди. Лекин бу борада ҳеч нарса қилолмаймиз. Мен ўзим ва жамоамиз учун гапира оламан. Биз пухта тайёргарлик кўряпмиз ва медаллар учун курашга тайёрмиз.  

Белграддаги жаҳон чемпионатидан кейин икки йил ўтди, спортга янги йигитлар кириб келди, кларнинг кўпи билан ҳали тўқнаш келмаганмиз. Лекин уларнинг имкониятларини синчковлик билан ўрганиб чиқяпмиз. Бугунги кунда ҳар бир терма жамоада кучли боксчилар бор. Бироқ мен қозоғистонлик ва кубаликларнинг имкониятини юқори баҳолайман. Айниқса, Камшибек Кункабаев ва барча кубалик боксчилар кучли.

Жаҳон чемпионатига тайёргарлик авжида. Биз терма жамоа бош мураббийи Тўлқин Қиличев бошчилигида кубалик мураббийлар билан фаол шуғулланяпмиз. Машғулотлар кунига икки маҳал, ҳафтада беш-олти маротаба Россия, Украина, Хорватия боксчилари билан спарринглар ташки этилди.

Жанг олдидан ҳеч қандай ирим ёки алоҳида одатларим йўқ. Яхшилаб дам олсам, шунинг ўзи кифоя. Яхши уйқу ва ҳордиқ менга рингда яхшироқ ишлаш имконини беради.

Ўзимдан келиб чиқиб айта оламанки, ҳар бир спортчи биринчи навбатда руҳий томондан тайёр бўлиши керак. Шундагина салмоқли натижаларга эриша олади. Жисмоний томондан тайёргарлигингиз қанчалар юқори бўлса ҳам, психология заиф бўлса, ғалабага эриша олмаймиз. Буни ҳар доим ёдда тутиш керак, - деди Баҳодир Жалолов.

Эслатиб ўтамиз, бокс олами Тошкентдаги жаҳон чемпионатида икки кучли боксчи – Баҳодир Жалолов ва Қамшибек Кункабаев тўқнашувини кутмоқда. Бу боксчиларнинг ўзаро ҳисоб-китобида 5:3 ҳисобида ўзбек боксчиси олдинда бормоқда.

Куба бокси афсонаси: Энг зўри Жалолов ва у ҳали Тайсон Фьюри, Усик ва Жошуа билан тўқнашади!

Ўзбекистон ғалабага чанқоқ!

Қозоғистонлик боксчи жаҳон чемпионатида Баҳодир Жалолов ғалабасига ишонмоқда!

"Жаҳон чемпионати-2023": Ўзбек боксчилари ўзи уйида ҳеч кимга “нон” бермайди!