Бадиий гимнастика бўйича Ўзбекистон кубоги старт олди

Бугун Янги Наманган туманидаги “Паҳлавон” спорт мажмуасида спортнинг бадиий гимнастика тури бўйича ёшлар ўртасида Ўзбекистон кубоги мусобақасининг тантанали очилиш маросими бўлиб ўтди.

Тадбирда мутасадди раҳбарлар, спорт фахрийлари иштирок этиб, спортчиларга омад ва муваффақиятлар тиладилар.

Мазкур мусобақада республикамизнинг барча вилоятлари, Қорақалпоғистон Республикаси ҳамда Тошкент шаҳридан ташриф буюрган иқтидорли гимнастикачилар жамоавий ва яккалик баҳсларида ўзаро куч синашмоқдалар. Бу ҳақда Ўзбекистон Республикаси Спорт вазирлиги хабар берди.