Азизбек Абдуғофуров профессионал боксдаги илк мағлубиятини қабул қилиб олди ва WBC Silver камарини бой бериб қўйди

Иккинчи ўрта вазн (76, 2 кг) тоифасида  WBC Silver камари соҳиби Азизбек Абдуғофуров навбатдаги жангини ўтказди. 

Мазкур жангда Азизбек россиялик Павел Силягинга қарши ринга кўтарилдик. 12 раундга мўлжалланган жанг тўлиқ давом этди ва ғолиб очколар эвазига аниқланди. Жанг якунига кўра, ҳакамлар тўқнашувда устунликка эришган Силягинга (120-108, 119-109, 119-109)  ғалабани тақдим этишди.

Маълумот учун, бу Азизбек Абдуғофуровнинг фаолиятидаги илк мағлубияти ҳисобланади. Шунингдек, вакилимиз WBC Silver камарини Павел Силягинга бой бериб қўйди.