Айни дамдаги энг кучли мураббийлар рейтинги тузилди

"FourFourTwo" портали дунёнинг энг яхши футбол мураббийлари рейтингини тузиб чиқди. Унда биринчи ўринни "Манчестер Сити"нинг амалдаги устози Пеп Гвардиола эгаллади. Ўтган мавсумда испаниялик мутахассис "шаҳарликлар" билан требль қайд этган эди.

Иккинчи поғонани “Ливерпуль” бош мураббийи Юрген Клопп банд этган бўлса, кучли учликни “Реал” бошқарувчиси Карло Анчелотти якунлаган.

Кучли ўнталикка, қуйидаги мутахассислар кирди: Микель Артета (“Арсенал”), Томас Тухель (“Бавария”), Эдди Хоу (“Ньюкасль”), Хави Эрнандес (“Барселона”), Роберто де Зерби (“Брайтон”), Унаи Эмери (“Астон Вилла”) ва Диего Симеоне ("Атлетико").

Португалиялик Жозе Моуриньо 15-ўринни эгаллади.