Аварияда ҳалок бўлган Жота қаерга кетаётгани аниқланди
- 3-июл 2025, 20:08
- Zohir Toshxo’jayev
- 0
- Футбол
“Ливерпуль” ҳужумчиси Диогу Жотанинг Испания йўлларида аварияга учраб, ҳалок бўлгани бутун дунё оммавий ахборот воситаларида ёритилмоқда.
Бу автоҳалокатда 28 ёшли футболчига ҳамроҳлик қилган укаси Андре Силва ҳам вафот этди.
Маълумотларга қараганда, ака-ука кетаётган спортмашинаси шина ёрилиши оқибатида трассадан чиқиб кетган. Машина тез ёниб кетгани учун ундан чиқишнинг имкони бўлмаган.
CNN нашри тарқатган хабарларга кўра, Жота яқинда ўпкасида жарроҳлик амалиётини ўтказган ва шифокорлар унга самолётда учишни таъқиқлаган. Диогу укаси билан Сантандер шаҳрига бориб, у ердаги портдан кемада Буюк Британияга етиб олишни мақсад қилган экан.
Моҳир футболчи Англияга қайтиб, “Ливерпуль” билан янги мавсумга тайёргарлик кўриш учун йўлга чиққани айтилмоқда.