"Атлетико"ни таслим этган "Челси" чорак финалга чиқди

Европа Чемпионлар Лигаси нимчорак финал босқичидан ўрин олган "Челси" - "Атлетико" жамоалари ўртасидаги жавоб учрашуви ўз ниҳоясига етди. Унда мезбонлар 2:0 ҳисобида ғалаба қозонди.

"Аристократлар" таркибидаги биринчи гол 34-дақиқада Хаким Зиеш томонидан киритилди. Вернернинг узатмасидан кейин қулай имконият ҳосил қилган футболчи зарба беришда адашмади. Шунингдек, қўшимча дақиқаларда майдонга тушган Эмерсон ҳам ўз исмини таблога ёздириб қўйишга муваффақ бўлди.

Шу тариқа, Томас Тухель шогирдлари икки ўйин натижасига кўра, 3:0 ҳисобида ғалаба қозонди ва чорак финал чиптасига эга чиқди.

{online}3497091{/online}