“Арсенал” катта ишга қўл уряпти

“Арсенал” Англия премьер-лигаси ва халқаро майдонда юқори натижаларни кўрсатиш учун келаси мавсум олдидан таркибини кучайтиришга қарор қилди.

The Telegraph нашрининг маълум қилишича, “канонирлар” ёзда уч нафар машҳур ўйинчини трансфер қилмоқчи. Бош мураббий Микель Артета ўз жамоасида “Вест Хэм” етакчиси Деклан Райс, “Брайтон” ярим ҳимоячиси Мойсес Кайседо ва “Челси”дан кетишни истаётган Мэйсон Маунтни кўрмоқчи.

Мутахассисларнинг таъкидлашича, лондонликларга бу трансферларни амалга ошириш осон бўлмайди. Чунки Англиянинг бир неча гранд клублари айнан мана шу футболчиларни нишонга олган.

“Арсенал” янги ўйинчиларга жой очиш мақсадида бир неча футболчиларини сотувга қўяди. Раҳбарият биринчи навбатда Киран Тирни ва Фоларин  Балогун билан хайрлашишга тайёр.