“Арсенал” икки ҳимоячидан воз кечди

“Арсенал” бош мураббийи Микель Артета таркибда муайян ўзгаришларни амалга оширишга қарор қилди.

Маълумотларга қараганда, “канонирлар” устози икки чап қанот ҳимоячилари – Киран Тирни ва Александр Зинченко хизматларидан  воз кечишга тайёр.

Киран Тирни оғир жароҳатдан кейин сафга қайтди. Микель Артета бу футболчини мавсум охиригача таркибда ушлаб туради. 30 июнь куни Тирнининг шартномаси тугайди. Киран фаолиятини “Селтик”да давом эттириши ҳал бўлган масала ҳисобланади.

Александр Зинченконинг иши мураккаброқ. Лондон клуби украиналик футболчидан имкон қадар тезроқ қутилмоқчи. Ҳимоячининг трансфер суммаси 20 миллион еврони ташкил қиляпти.