Арман Царукян: "Белимдаги оғриқ тез орада йўқолиб кетишига ишонгандим, бироқ..."

Енгил вазн тоифасида (70 кг) UFC рейтингининг биринчи рақамли жангчиси Арман Царукян "UFC 311" турнирида Ислом Махачев билан реваншдан ним учун бош тортганини батафсил айтиб берди.

“Чоршанба куни кечқурун машғулотларни тугатдим ва ухлашга ётганимда, белим оғриётганини ҳис қилдим. Ўша кеча ухлай олмадим. Эрталабки машғулотларни ҳам ўтказиб юбордим. Бу ҳол тез орада ўтиб кетишига ишонгандик. Матбуот анжуманида ҳамма нарса яхши эди, бироқ вазн йўқотиш бошланди ва велосипедда ишлаётганимда белимдаги оғриқ жуда кучайиб кетди. Дарҳол шифокорни чақирдик. У текширгач, турнирда иштирок этолмаслигим аниқ бўлди” - деди Царукян "JAХХON" подкастида.

Эслатиб ўтамиз, "UFC 311" турнирида Арманнинг ўрнига Ренато Мойкано Махачевга қарши октагонга кўтарилди ва 1-раунддаёқ мағлубиятга учради.