Аргентина чемпионлик учун яна 10 миллион доллар ишлаб олди

Аргентина терма жамоаси жаҳон чемпионатида ғолибликни қўлга киритди. Бу ғалаба сабаб Жанубий Америка футбол иттифоқи (CONMEBOL) аргентиналикларга 10 миллион долларлик чек совға қилди.

Конфедерация раҳбари Алехандро Домингес Франция устидан қозонилган ғалабадан сўнг Лионель Скалони жамоаси футболчиларига 10 миллион долларлик чек берганини айтди. Уни жамоа номидан сардор Лионель Месси қабул қилиб олди.

Маълумот ўрнида, Аргентина Месси билан бирга илк бора мундиал чемпионлигини қўлга киритди.