АПЛ."Манчестер Юнайтед" марказий учрашувда "Тоттенхэм"ни таслим этди. Роналдудан гол ва ассист!

АПЛ 10-туридан ўрин олган "Тоттенхэм" - "Манчестер Юнайтед" учрашуви ниҳоясига етди. Мазкур беллашувда меҳмонлар йирик 3:0 ҳисобида ғалаба қозонди. 

Ўйиннинг 39-дақиқасида Роналду ҳисобни очган бўлса, 64-дақиқада унинг узатмасидан сўнг Кавани жамоасининг иккинчи голини урди. Захирадан майдонга тушган Решфорд 88-дақиқада гол уриб, "қизил иблислар"нинг йирик ҳисобда ғалаба қозонишини таъминлади. 

Ушбу натижадан сўнг Сульшер шогирдлари ҳисобидаги очколар сони 17 тага етди ва улар АПЛ турнир жадвалида 5-ўринга кўтарилди. 15 очкоси бор "шпорлар" айни вақтда 8-поғонага жойлашган.