АПЛ. "Манчестер Сити" сафарда камбек қурбони бўлди

Англия Премьер-лигасининг 24-турининг марказий учрашуви якунланди. Жанговар руҳда ўтган учрашувда жамоалар муроса кўчасини танлади. Дастлаб ўйиннинг 11-дақиқасида "шаҳарликлар" хавбеги Райан Шерки гол уриб, ҳисобни очди. Биринчи бўлимнинг сўнгги дақиқасида Антуан Семеньо орадаги фарқни иккитага оширди. Иккинчи бўлимда эса Доменик Соланке дубль қайд этиб, ҳисобни тенглаштирди. Дастлаб 53-дақиқада рақиб ҳимоячиларини доғда қолдириб, ҳисобни қисқартирган бўлса, 70-дақиқада супер голи билан мувозанатни тиклади. Ўйин якунига қадар ҳисоб бошқа ўзгармади ва жамоалар 1 очкодан бўлишиб олди.