АПЛ. Лондон дербисида бир киши кам бўлиб қолган "Челси" "Арсенал" билан дуранг ўйнади

"Челси" мезбонлигида ўтган учрашувда жамоалар дурангга имзо чекди.

"Стэмфорд Бридж" да бўлиб ўтган учрашув 1:1 ҳисобида якунига етди. Учрашувнинг 38-дақиқасида "аристократлар" майдонда бир киши кам бўлиб қолди. Жамоанинг эквадорлик таянч ярим ҳимоячиси Мойзес Кайседо Микел Меринога қарши қўпол ўйнагани учун майдондан четлатилди. Иккинчи бўлимнинг 3-дақиқасила "кўклар" ҳимоячиси Трево Чалоба бурчак зарбасидан узатилган тўпни боши билан Давид Райа қўриқлаётган дарвозага жойлаб қўйди. 59-дақиқада эса "канонерлар" футболчиси Микел Мерино гол уриб мувозанатни тиклади. Ўйин сўнггига қадар ҳисоб бошқа ўзгармади ва икки жамоа ҳаи ҳисобларига бир очкодан қўшиб қўйди.

13-турдан сўнг "Арсенал" 30 очко билан турнир жадвалида етакчиликни давом эттирмоқда. "Челси" эса 24 очко билан 3-поғонани банд этган.