Англия терма жамоасининг энг зўр футболчиси аниқланди

Англиялик футбол мухлислари 2023 йил якунлари бўйича миллий терма жамоанинг энг яхши футболчисини аниқлади.

Унга кўра, “Арсенал” ҳужумчиси Букайо Сака Англия терма жамоасининг ўтган мавсумдаги энг яхши ўйинчиси номига лойиқ топилди.

Сўровномада Сака терма жамоадаги шериклари – Жуд Беллингем ва Ҳарри Кейнни ортда қолдирди.

Сака ўтган мавсумда терма жамоа сафида ўнта учрашувда 7 тўп киритди.

Букайо Сака Англия терма жамоасида 2019 йилдан бери ўйнамоқда. 22 ёшли ҳужумчи ҳозирга қадар жами 28 та учрашувда майдонга тушиб, рақиблар дарвозасини 11 маротаба ишғол қилган.