Англия терма жамоасини бошқаришга яна икки номзод пайдо бўлди

Англия футбол ассоциацияси терма жамоа бош мураббийи Гарет Саутгейтнинг ўрнини эгаллайдиган номзод қидирмоқда.

Бу лавозимга анчадан бери Хосеп Гвардиола лойиқ кўриляпти. Ассоциация раҳбарияти кутилмаган ҳолатларнинг олдини олиш учун бошқа номзодларни ҳам тайин қилиб қўймоқчи.

Хусусан, раҳбарият “Ньюкасл” бош мураббийи Эдди Хауга мурожаат қилиб, ундан рад жавобини олди.

The Telegraph нашрининг ёзишича, терма жамоани бошқариши мумкин бўлган номзодлар қаторига “Ноттингем Форест”да ишлаётган Стив Купер ва “Челси”нинг собиқ бош мураббийи Грэм Поттер ҳам қўшилди.