Англия кубоги. "Манчестер Сити" ишончли ҳисобда зафар қучиб, кейинги босқичга йўл олди

Англия кубогининг 4-босқичида Хосеп Гвардиола бошқарувидаги "Манчестер Сити" ўз майдонида "Салфорд" билан куч синашиб, 2:0 ҳисобида ғалаба қозонди. 
 
Дастлаб, тўқнашувнинг 6-дақиқасида Алфи Доррингтон автогол муаллифи бўлди. Беллашувнинг 81-дақиқасида эса қишда жамоа сафига келиб қўшилган Марк Гехи "шаҳарликлар" таркибидаги дебют голини киритди. 
 
Маълумот ўрнида, "Сити" навбатдаги учрашувини 21 февраль куни "Ньюкасл Юнайтед" билан куч синашади.