Англия клуби сардорини испан грандлари талашяпти
- 8-феврал, 11:01
- Zohir Toshxo’jayev
- 0
- Футбол
Испания чемпионатининг икки қудратли клуби – “Барселона” ва “Атлетико Мадрид” раҳбарияти Англия Премьер-лигасида “Тоттенхэм” шарафини ҳимоя қилаётган Кристиан Ромерога жиддий қизиқиш билдирмоқда.
“Тоттенхэм”га сардорлик қилаётган аргентиналик марказий ҳимоячининг ўзи ҳам Лондон шаҳрини тарк этишга тайёр эканини яшираётгани йўқ.
Бу ҳақда TEAMtalk хабар бермоқда.
Манба маълумотига кўра, 27 ёшли ўйинчи фаолиятини мунтазам равишда Европа Чемпионлар лигасида иштирок этадиган жамоада давом эттиришни истамоқда.
Ромерони сотиб олиш анча мураккаб масала. Қимматбаҳо ҳимоячига даъвогарлик қилаётган клублар трансфер учун 70–80 миллион фунт стерлинг сарфлашига тўғри келади.
Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. Transfermarkt портали маълумотига кўра, унинг бозор қиймати 60 миллион евродир.