Англия чемпиони номи олдиндан эълон қилинди
- 10-феврал, 11:37
- Zohir Toshxo’jayev
- 0
- Футбол
Opta статистика маркази Англия Премьер-лигасининг жорий мавсумида чемпионлик унвони “Арсенал”га тегишини ҳозирдан маълум қилди.
Opta суперкомпьютери баҳосига кўра, Микель Артета жамоасининг узоқ кутилган чемпионликни қўлга киритиш эҳтимоли 91,41 фоизни ташкил этади.
Рўйхатда иккинчи ўринни “Манчестер Сити” эгаллаган. Ўтган турда амалдаги чемпион “Ливерпуль” майдонидан муҳим ғалаба билан қайтган Хосеп Гвардиола шогирдларининг чемпион бўлиш имконияти 7,09 фоизга баҳоланмоқда.
Чемпионат жадвалида учинчи ўринда бораётган Бирмингемнинг “Астон Вилла” клубининг мавсумни биринчи поғонада якунлаш имконияти 1,36 фоизга тенг.
Англия чемпионатининг 25-туридан сўнг “Арсенал” 56 балл жамғарган ҳолда яккапешқадам бўлиб турибди. Микель Артета шогирдлари энг яқин таъқибчи “Манчестер Сити”дан олти очко олдинда.