Андрей Шипилов: "Локомотив" майдонидан 3 очко билан қайтишимиз ҳам мумкин эди
- 16-сентябр 2019, 00:51
- Shahzod
- 0
- Футбол
Ўзбекистон Суперлигаси 19-туридан ўрин олган "Локомотив" - "Металлург" (1:1) учрашувидан сўнг бекободликлар устози Андрей Шипилов беллашув борасидаги ўз фикрларини билдириб ўтди.
"Ушбу учрашувга тайёрланиш учун етарлича вақтга эга бўлдик. Бироқ тайёргарликда ҳеч қандай эътиборга молиқ жиҳатлар бўлмади. Рақибнинг кучини тўғри ҳисобга олдик. Биринчи бўлим давомида тўпни ушлаб туриш борасида анчагина оқсадик. "Локомотив" ўйинни анчагина фаол бошлади. Бундай бўлишини барча кутганди. Бироқ бундай майдонда ёмон ўйнашнинг иложи йўқ. Ҳа, биринчи бўлимнинг ўзида ғалати гол қўйиб юбордик. Танаффусда йигитларга ҳали ҳеч нима йўқотилмаганини, барчаси олдинда эканлигини ва курашиш кераклигини тушунтирдим. Иккинчи бўлимда ўйинни биз назорат қилганимизни барча кўрди. Рақибдан кўра кўпроқ вазиятларга эга бўлдик. Учрашувнинг охирги дақиқаларида эса икки жамоа ҳам юқори нотадаги ўйин таклиф қилишди. Бизда ҳам, уларда ҳам яхши вазиятлар юзага келди. Намангандаги каби гол киритиб, 3 очкони ўзимиз билан олиб кетишимиз мумкин эди. Ҳозир сентябрь ойи. Ҳар бир очко сув ва ҳаводек жуда муҳим.
Бекободдаги баҳснинг биринчи бўлимида "Локомотив" жуда яхши ўйин намойиш қилганди. Жамшид Искандеров жуда ажойиб хатти-ҳаракатлари билан ажралиб турди. Терма жамоа футболчилари ҳам юқори сифатли ўйин кўрсатишди. Бироқ ўша куни ҳам иккинчи бўлимда биз яхшироқ ўйин кўрсатгандик. Ҳозир эса умуман бошқача ҳолат. Жамоада мураббийлар штаби ўзгарди. Шу боисдан "Локомотив" ўз ўйин услубини бироз ўзгартирди. Ўша куни "Локомотив" жуда ёрқинроқ ўйин кўрсатгандек назаримда. Бугун ҳам улар муносиб туриб бера олишди.
Катта шароитларга эга бўлган жамоалар майдонда туриб қолмаслиги керак. Термадан қайтган Арсланмират Аманов, Анзур Исмоилов, Даврон Ҳошимов, Темурхўжа Абдухолиқов каби футболчилар ҳам ажойиб ҳолатда эканлиги кўринди.
Бугунги натижадан кейин биз тактик ва жисмоний ҳолатимиз яхши эканлигини кўрдим. Мураббийлар штабининг фаолияти меваси шундай ўйинларда кўринаётгани жуда, жуда, жуда ёқимли албатта", - деб Шипиловнинг сўзларини келтириб ўтди "Локомотив" матбуот хизмати.