"Андижон"нинг Анталиядаги бугунги машғулоти бир дақиқалик сукут сақлаш билан бошланди (фото)
- 6-феврал 2023, 17:19
- Shuhratbek Jo’rayev
- 0
- Футбол
Бугун эрта тонгда Туркиянинг қатор шаҳарларида кучли зилзила бўлганлиги дунё ҳамжамиятини ларзага солгани бор гап.
Барчангизга яхши аёнки, Туркиянинг Анталия шаҳрида Ўзбекистондан келган 14 та клуб ҳамда терма жамоалар ўқув-машғулот йиғинларини олиб боришмоқда. “Андижон” клуби бу борада Анталияда вазият барқарорлиги ҳақида биринчи бўлиб расмий баёнот билан чиқди.
Жамоанинг бугунги машғулоти эса Туркиянинг бошқа шаҳарларида кучли ер силкиниши оқибатида вафот этганларнинг хотирасини ёд этиш учун бир дақиқалик сукут сақлаш билан бошланди ва зилзила туфайли ҳаётдан кўз юмганларнинг ҳаққига дуо қилинди.
Бош мураббий Александр Хомяков қўл остидаги ўйинчиларни ҳар томонлама пухта тайёрлаш учун турли хил тактик услубларни қўлламоқда. Шунингдек, тренажёр залида ҳам шуғулланишмоқда. Жамоанинг йиғини режа асосида давом этяпти.
“Андижон” матбуот хизмати.