"Андижон" Тожикистонда йиғин бошлади

12 июлдан ўз қароргоҳида тўпланиб икки кун шуғулланган “Андижон” бугундан асосий босқич машғулотларига киришди.

Мавсумнинг иккинчи қисмига пухта тайёргарлик кўриш мақсадида жамоа олдиндан режалаштирилганидек, доимий йиғин ўтказиб келаётган маскан - Тожикистоннинг Гулистон шаҳрида жойлашган “Миллий банк”га қарашли соғломлаштириш спорт комлексида бугундан ёзги йиғинини бошлади.

Клуб матбуот хизматининг хабарига қараганда, Максим Шацких бошчилигидаги “Бургутлар” бу ерда 26 июлга қадар ўқув-машғулот йиғинини олиб боради.  

Мазкур тайёргарлик давомида Тожикистоннинг иккита клубига қарши ўртоқлик учрашувлари ўтказилиши ҳам кўзда тутилган.