"Андижон" сербиялик легионери билан хайрлашди

Қишки селекция жараёнида биринчи навбатда таркибдаги ўзгаришлар ҳаммани қизиқтириши турган гап. Шуни маълум қилмоқчимизки, “Андижон” жамоаси сербиялик легионер Любиша Пецель билан хайрлашди.

Ёдингизда бўлса, 31 ёшли ҳимоячи шу йилнинг ёзида клубга қўшилганди ва чемпионат якунига қадар шартнома имзоланган. Ўтган вақт давомида Пецель Суперлигада 5 та, Ўзбекистон Кубогида 2 та ўйинда майдонга тушди.

Сербиялик легионер билан тузилган шартнома якунлангани боис томонлар илиқ муносабатда хайрлашдилар, - дея хабар бермоқда клуб матбуот хизмати.