"Андижон" нохуш анъанасига барҳам берадими?

3 август куни “Андижон” жамоаси Суперлиганинг 2-даврадаги иштирокини расман бошлайди. Шу куни “Бургутлар” 14-тур доирасида “Бобур арена”да ОКМКни қабул қилади.

Ёдингизда бўлса, биринчи давранинг илк турида Олмалиқда бўлиб ўтган учрашувда дарвозалар дахлсиз қолган – 0:0.

Шу кунгача жамоалар чемпионатда 25 маротаба куч синашдилар. “Андижон”да 4, ОКМКда 16 та ғалаба бор.  5 та тўқнашувда ғолиб аниқланмаган. Тўплар нисбати 28\48 олмалиқликлар фойдасига.

“Андижон” олмалиқликларни охирги бор 2011 йилги мавсумда мағлуб этган. Ўшанда 1:0 ҳисоби қайд этилган. 2014 йилда эса Андижондаги баҳсда 1:1 натижаси кузатилган. Шундан бери Андижондаги баҳсларда рақиб жамоанинг қўли баланд келяпти.

Барча ишқибозларни “Бобур арена”да кутамиз. Баҳс 3 август куни соат 19:45 да бошланади.

"Андижон" матбуот хизмати.