Анчелоттининг мақсади бошқа: Бразилияга ҳам, Саудияга ҳам бормайман!
- 1-май 2025, 09:16
- Zohir Toshxo’jayev
- 0
- Футбол
“Реал” бош мураббийи Карло Анчелотти 15 июнь – 13 июль кунлари АҚШда ўтказиладиган клублар ўртасидаги жаҳон чемпионатидан кейин лавозимини топшириши айтилмоқда.
Италиялик мутахассисга Бразилия ва Саудия Арабистонидан жиддий таклиф бўлди. Дастлаб, бразилияликлар билан музокара ўтказган 65 ёшли мураббий Бразилия терма жамоасини бошқариш таклифни қабул қилмади.
Кўпчилик Анчелоттининг бу қарорини Саудия Арабистонининг “Ал-Ҳилол” клубидан билдирилган таклиф билан боғлади. Шайхлар машҳур мураббийга ўта катта маош ваъда қилган эди.
COPE нашрига кўра, Карлони пул қизиқтиргани йўқ. Карло Анчелотти 2026 йилнинг 30 июнигача тузилган шартномаси тугамагунича клубдан кетмоқчи эмас. “Қироллик клуби” президенти Флорентино Переснинг Анчелоттига муносабати жуда яхши. Клуб хўжайини Анчелоттига бошқа лавозим бериши мумкинлиги ҳам айтилганди.
Экспертларнинг таъкидлашича, кўп нарса мавсум якунланганидан кейин Карло Анчелотти ва Флорентино Переснинг ўзаро учрашувида қандай келишув бўлишига боғлиқ экан.