Анчелотти: Куртуа ва Гюлер "Барселона"га қарши ўйнайди

"Реал Мадрид" бош мураббийи Карло Анчелотти 30 июль куни бўлиб ўтадиган "Барселона"га қарши ўртоқлик ўйини арафасида жамоадаги кадрлар масаласи ҳақида гапирди. "Қироллик клуби" ўртоқлик ўйинида "Манчестер Юнайтед"ни 2:0 ҳисобида мағлуб этди. Янги келган Жуд Беллингем гол урди.

"Куртуа? У "Барселона"га қарши ўйнайди. Арда Гюлер ҳақида ҳам шундай дейишим мумкин”, деди Анчелотти матбуот анжуманида.

Эслатиб ўтамиз, Гюлер "Реал"га бир неча ҳафта олдин Туркиянинг "Фенербахче" клубидан келиб қўшилган эди. Ярим ҳимоячининг трансфери мадридликларга 20 миллион еврога тушди.