Анчелотти: "Гюлерга кўпроқ имконият берилиши керак"

"Реал" бош мураббийи Карло Анчелотти ярим ҳимоячи Арда Гулерга кам ўйин амалиёти берилаётгани ҳақида гапирди. Туркиялик ярим ҳимоячи жароҳатлар туфайли мавсумнинг биринчи ярмини ўтказиб юборганди.

"Арда ўзини яхши ҳис қилмоқда ва ҳозир ўйнашга тайёр. Менимча, Гюлерга кўпроқ имконият берилиши керак. Тез орада унга ўйнаш учун вақт бераман", - деди Анчелотти матбуот анжуманида.

19 ёшли футболчи Испания чемпионатининг жорий мавсумида бешта учрашувда майдонга тушиб, битта гол урди. Ўтган ёзда "қироллик клуби" унинг трансфери учун 20 миллион евро тўлаганди.