Ана холос: Ҳусановнинг трансферига қарши чиқишмоқда!
- 23-декабр 2024, 08:20
- Zohir Toshxo’jayev
- 0
- Футбол
“Ланс” раҳбарияти мураккаб танлов қаршисида қолгае. Клуб моляивий фэйр-плей доирасида 40 миллион евродан ортиқ тушум қилиши керак. Бу сумма топишнинг энг осон ва тезкор усули қиммат ўйинчиларни бошқа клубларга трансфер қилишдан иборат.
Экспертларнинг таъкидлашича, “Ланс” ёзда барбод бўлган икки савдо – Кевин Дансонинг “Рома”га ва Нил Ал-Айнауининг “Монако” трансферларидан вужудга келган камомадни ёпиш учун январда футболчи сотишига тўғри келмоқда.
Айни пайтда клубнинг энг талабгир активи Абдуқодир Ҳусанов бўлиб турибди. 20 ёшли ҳимоячига Франциядан “Марсель” ва “Пари Сен-Жермен”, Англиядан “Челси”, “Тоттенхэм”, “Эвертон”, “Ньюкасл”, Германиядан “Байер” ва “Лейпциг”, Италиядан “Наполи” ва “Аталанта”, Испаниядан “Атлетико Мадрид” қизиқаётгани ҳақида хабар тарқатилмоқда.
“Ланс” Ҳусанов трансферидан 30 миллион евро атрофида маблағ ишлаб олмоқчи. Бироқ клуб олдида ўзбек легионерини мавсум якунланганидан кейин янада қимматроқ нархга трансфер қилиш имконияти ҳам бор.
Трансфери пишиб бораётган иккинчи номзод Кевин Дансо. Ёзда Римдан қайтган тажрибали ҳимоячини Англия Премьер-лигаси вакилларидан “Саутгемптон” ва “Вулверхемптон”, Ла Лигадан “Вильярреал” ўз сафига қўшиб олишга ҳаракат қилади.
“Ланс” фаолиятини ёритиб келаётган lensois.com портали мухлислар орасида сўровнома ўтказиб, уларнинг Абдуқодир Ҳусанов ва Кевин Дансо трансфери бўйича фикрларини ўрганди.
Сўровномада портал экпертлари тўртта вариант берди. Унга кўра, мухлисларнинг аксарияти Абдуқодир Ҳусановнинг қишки трансферлар вақтида сотиб юборилишига қарши чиқмоқда.
Натижалар билан танишинг:
- Кевин Дансони сотиб юбориш, Абдуқодир Ҳусановни олиб қолиш тарафдоримиз: 56,32%
- Иқтисодий вазиятга қарамай, бу икки ҳимоячидан бирини сотиб юбориш ҳам катта хато: 30,89%
- Яхши таклиф тушса, ҳар икки ҳимоячини қўйиб юборишдан қўрқиш керак эмас: 8,89%
- Абдуқодир Ҳусановни сотиб юбориш, Кевин Дансони олиб қолиш тарафдоримиз: 3,9%
“Ланс”нинг қишки трансферларини клуб мухлислари ҳам ижтимоий тармоқлар орқали кенг муҳокама қилмоқда.
Sports.uz портали ланслик фанатларнинг фикр-мулоҳазаларини ўзбекистонлик футбол ишқибозлари эътиборига ҳавола қилади.
SYL1362:
Ҳусанов бўйича таклифлар кўп. Вақтида қўйиб юбормаса кейин, бепул кетиб қолиши мумкин. Масалан, Лени Йоро трансферини олайлик. Агар уни “Манчестер Юнайтед” катта суммага олиб кетмаганида, “Реал” бу ишни 20 миллион еврога уддаларди. Йоронинг 60 миллион еврога кетишига трансферга Жорже Мендешнинг аралашгани сабаб бўлди.
Ҳозир Ҳусановни қўйиб юборадиган бўлса, бу молиявий вазият туфайли бўлади. Абдуқодир клуб тарихидаги энг катта даромад келтириши мумкин бўлган ўйинчи. 100 минг еврога трансфер қилинган футболчи учун 30-40 миллион евро тушум қилиш ва соф даромад.
Агар биз Ҳусановни 50 миллион еврога ўтказа олсак, “Ланс” 40 миллион евролик камомадини бир уринишда ёпади.
Менга қолса, 40 миллион евро топиш учун уч тўртта ўйинчини сотиб юборгандан кўра, 30 миллион еврога бўлса-да, Ҳусановни трансфер қилиш керак.
LOULOU59:
Мен “Лилль”ни ёқтирмасам ҳам, улар Лени Йорони жуда яхши суммага трансфер қилганини ёқлайман. “Ланс” эса, Ҳусановни 30 миллион еврога ўтказиш учун таниқли агент Жорже Мендешни жалб қилгани ҳақида маълумот тарқалди.
“Ланс” бошқарувидаги бу борада бироз нўноқроқ кўринади.
TONY:
Биз ҳар доим Кевин Дансо ва Абдуқодир Ҳусанов каби маҳоратли ўйинчиларни қўйиб юборишдан қўрқамиз. Чунки уларнинг ўрнини босиш ўхшамай қолиши мумкин. Лекин иккинчи томондан уларнинг катта клубларга ўтиши бошқа ўйинчилар учун йўл очади.
Ёзда Дансо кетишини эшитганимизда энди нима қиламиз, деб ўйланиб қолдик. Кейин Абдуқодир пайдо бўлди. Ҳусанов талантини намойиш қилди ва кашфиётга айланди. Энду Ҳусановсиз “Ланс”ни тасаввур қилиб бўлмаяпти.
Уларни қўрқмай қўйиб юбориш ва бор эътиборни ҳудди шу футболчиларга ўхшаган янги истеъдодларни кашф қилишга қаратиш лозим.
-Bh4Fhnzb.jpg)
Эслатиб ўтамиз, Абдуқодир Ҳусанов 2023 йилнинг ёзидан бери “Ланс” футболчиси ҳисобланади. Бугунги кунда ўзбекистонлик Тransfermarkt портали томонидан 12 миллион еврога баҳоланмоқда. Бу борада 20 ёшли легионеримиз Марказий Осиёнинг энг қимматбаҳо ўйинчиси ҳисобланади.