Ана холос: Файзуллаевга “топ-5” лигаларига бормаслик тавсия қилинди!

Аббосбек Файзуллаевга “Монако” ва “Реал Сосьедад” каби клублардан жиддий қизиқиш бўлаётгани ортидан ЦСКА ўз легионерига янги шартнома беришга қарор қилди. Аксарият футбол мутахассислари 21 ёшли ҳужумкор футболи Европанинг кучли лигаларига бўлаётган чорловларга ўйланиб ўтирмай, трансферга рози бўлиш кераклигини таъкидламоқда.

Бироқ ЦСКА ва Россия терма жамоаси собиқ футболчиси Дмитрий Хамуха бу фикрларга қўшилгани йўқ. У Аббосбек Файзуллаев кучли бешлик лигаларига ўтмагани маъқул, деб ҳисобламоқда.

Sports.uz портали Дмитрий Хамуханинг россиялик журналистларга ЦСКА ва хусусан Аббосюек Файзуллаев ҳақидаги интервьюсини ўзбекистонлик футбол ишқибозлари эътиборига ҳавола қилади.

- ЦСКАнинг қайси чизиғи энг нозик?

- Совриндорлар қаторига кириш йўлида курашиш учун “армиячилар”га кўп гол ура оладиган, вазиятлардан фойдаланиш самарадорлиги юқори бўлган марказий ҳужумчи керак.

- Тамерлан Мусаев мавсумнинг биринчи қисмида 7 та гол урдику. Бу камми?

- Мусаев ўзида борини максимал даражада чиқиб чиқаряпти. Лекин олдинга қўйилган мақсадларни инобатга олиш керак...

- Бу вазифалар учун тўғри келмайдими?

- Ҳар қандай ҳолатда ҳам Мусаев ротация футболчиси бўлиб қолраверади.

- Фёдор Чалов юқори даражага чиққан даврида ундан кучли бўлганми?

- Ҳа шундай бўлган. Чаловнинг самарадорлиги ва кўрсаткичлари Мусаевникидан анча юқори эди. Қолган “армиячилар”ни гапирмаса ҳам бўлади.

-  Гуарирапа ва Койтани олиб, ЦСКА адашдими?

- Нима дейиш мумкин?... Койта аввал бошдан таваккал трансфер эди.

- Нега?

- Бу футболчи узоқ вақт жароҳатда бўлган, ўйин амалиёти йўқ эди. ЦСКА уни олиб, хатога йўл қўйиши эҳтимоли катта бўлган. Унинг трансфери бўйича нега мана шу қарор қабул қилинганини ҳали ҳам тушунмайман.

- Пьянич ҳақида нима дейсиз? Баҳорда ЦСКАга ёрдам бера оладими?

- Пьянич жамоанинг етакчиси ўйинчиларидан бирига айлана олади, деб ўйламайман. Чунки лигамиз жуда мураккаб. Кураш кўп, ҳаракат кўп, Миралем бу борада энг зўри эмас.

- Тезлиги пастми?

-  Ҳа. Бундан ташқари, майдонда ҳар доим ортга чекиниб, ҳимоячиларга яқин ўйнаяпти. У чизиқлар орасида ўзига жой топиши, ҳужумларни ташкил этиш билан шуғулланиши керак. Аммо Миралем ўз ўйин услуби билан ҳужумларни ушлаб қоляпти.

- Аббосбек Файзуллаевдан кўпроқ нарса кутганмидингиз?

- У жуда катта юклама остида қолиб кетди. Ёзда Олимпия ўйинларида иштирок этди, кейин Россия Премьер-лигасига қўшилди. “Армиячилар” билан бирга мавсумлар оралиғидаги йиғинни ўтамади, ҳисоб.

Бу омилларнинг барчаси унинг янада самарали ўйнашига таъсир ўтказмай қолмади. Лекин ундан тахминан шу даражадаги ўйинни кутгандим.

- Ўз салоҳиятига кўра, Аббосбек Европанинг жиддий чемпионатлари даражасидаги ўйинчими?

- Файзуллаев Европанинг “топ-5” чемпионатларига тўлиқ мос келадиган ўйинчи эмас. Қолган ҳар қандай бошқа лигаларда Аббосдек футболчига талаб юқори.

- Масалан, Нидерландияда ўйнаб кета оладими?

- Ҳа, Нидерландия ва Туркия каби мамлакатлар лигаларида у жуда кўп жамоалар учун фойдали ўйинчига айлана олади.

- Испания, Италияда Файзуллаев ўйнай олмайдими?

- Бу мамлакат чемпионатлари ўйин савияси, даражаси, интенсивлиги ўта юқори. Аббосбек эса, жуда юқори  жисмоний кўрсаткичларга эга эмас. Бу унинг устун томони эмас. Унинг ўйин услуби кўпроқ Нидерландия ва Бельгия каби чемпионатларга жуда мас тушади. Мана шу каби чемпионатлар у ўз салоҳиятини юз фоиз кўрсата олади.

Эслатиб ўтамиз, Аббосбек Файзуллаев “Пахтакор”дан ЦСКАга 2023 йилнинг августида 500 минг евро эвазига кўчиб ўтган. Бугунги кунда ҳужумкор футболчимизнинг трансфери суммаси 8 миллион еврога кўтарилди.

Ким тезкор: Шомуродов ёки Дибала? (фото)

Элдорни нималар кутмоқда? Шомуродовга оид сўнгги янгиликлар

Файзуллаев, Испанияни танла!

Катта пул керак: Ҳусанов “Ланс”ни қутқарадими?