Ана холос: Бруну Фернандеш ашаддий рақиб сафига ўтадиган бўляпти
- 17-март, 05:04
- Zohir Toshxo’jayev
- 0
- Футбол
“Манчестер Юнайтед” етакчиси ва сардори Бруну Фернандеш манчестерликларнинг ашаддий рақиби “Арсенал”га кўчиб ўтиши мумкин.
TopSkills Sport UK нашри маълумотига кўра, португалиялик футболчи манчестерликлар билан шартномаси тугагач, Лондон клубига ўтишни режалаштирмоқда.
Бруну ўзига Саудия Арабистони клублари ва “Бавария”дан жиддий чорлов бўлаётганига қарамай, фаолиятини давом эттириш учун “Арсенал”ни энг мақбул жой, деб ҳисобламоқда.
Фернандеш “канонирлар” бош мураббийи Микель Артета билан аллақачон мулоқот қилган ва ҳамкорлик масаласида гаплашиб олгани айтиляпти.
Микель Артета эса ўзи билан муносабати бузилган ва ёзда “Арсенал”ни тарк этиши кутилаётган норвегиялик плеймейкер Мартин Эдегор ўрнига янги футболчи қидирмоқда.
Бруну Фернандеш 2020 йилда “Спортинг”дан “Манчестер Юнайтед”га 65 миллион евро эвазига ўтган. Унинг амалдаги шартномаси 2027 йилнинг 30 июнигача давом этиши белгиланган.
Жорий мавсумда ярим ҳимоячи манчестерликлар сафида барча мусобақаларда 28 та ўйин ўтказиб, 7 та гол урди ва 15 та голли узатма амалга оширди.