Ана холос. “Барса” раҳбарияти Хавини ишдан бўшатмоқчи
- 28-ноябр 2023, 10:33
- Zohir Toshxo’jayev
- 1
- Футбол
“Барселона”ни ўтган мавсум чемпионига айлантирган Хави Эрнандеснинг ҳам бош мураббийликдаги ўрни кафолатланмаган бўлиб чиқди.
Клуб хўжайинларига жамоа ўйинида пасайиш кузатилаётгани ёқмаяпти. Хави шогирдлари Чемпионлар лигасининг ўтган турида “Шахтёр”дан мағлубиятга учради. Испания чемпионатида “Райо Вальекано”ни енга олмади.
Қолаверса, ашаддий рақиб – “Реал” бир ой муқаддам “Камп Ноу”да “Барселона”ни таслим қилгани раҳбариятда Хави Эрнандес лойиҳасига шубҳа туғдирган эди.
AS нашрининг маълум қилишича, Чемпионлар лигаси доирасида “Порту” билан бўладиган баҳс, Хави Эрнандес учун катта синов бўлади. Агар жамоа бу ўйинда очко йўқотадиган бўлса, клуб мутасаддилари бош мураббийни истеъфога чиқариши мумкинлиги айтилмоқда.
“Барселона”ни 2021 йилдан бери бошқараётган испаниялик мутахассиснинг амалдаги шартномаси 2025 йилнинг ёзига тузилган.