“Аллегри оут”. "Ювентус" мухлислар жаҳл отига минишди

“Аллегри оут” хештеги ижтимоий тармоқларда яна машҳур бўлди. “Ювентус” мухлислари ушбу ҳештегдан фойдаланиб, жамоа бош мураббийига босимини кучайтирмоқда. “Кекса синьора”, кеча “Милан” меҳмони бўлиб, 0:2 ҳисобида мағлуб бўлди. Туринликлар айни пайтда А Серия турнир жадвалида саккизинчи ўринни эгаллаб турибди.

Бир неча ҳафта олдин матбуотда Массимилиано Аллегрининг "Ювентус"дан кетиши мумкинлиги ҳақида хабарлар тарқалган эди. Бироқ Турин клуби раҳбарлари мураббийни алмаштирмасликка қарор қилишди. Миш-мишларга кўра, клуб бундай қарорга келишига молиявий ҳолат сабаб бўлган. Боиси, Аллегрининг истеъфоси катта харажатларни талаб қилади.