Александр Хомяков: "Жамоа ўз йўлига тушиб боряпти"
- 16-феврал 2023, 10:34
- Shuhratbek Jo’rayev
- 1
- Футбол
“Андижон” 15 февраль куни иккита учрашув ўтказди ва бу жамоанинг охирги назорат ўйинлари эди.
Энг сўнггисини Молдаванинг “Петрокуб” клубига қарши қарши ўтказди ва унда ҳам ҳисоб очилмади.
Мазкур беллашувдан сўнг “Андижон” бош мураббийи Александр Хомяков қуйидагиларни айтди:
“Анталиядаги йиғинимиз якунланди. Энг муҳими жароҳатларсиз тугатдик. Умумий олганда, тўла қониқдим. Ташкилотчилик ҳам яхши кечди. Барча талабларимиз бажарилди.
Жамоанинг функционал ҳолатини текшириб олдик. Назорат ўйинлари орқали аста-секин жамоа ўз йўлига тушиб бормоқда. Йигитлар қандай ўйнашимиз кераклигини тушунишмоқда.
Умуман, бугунги ҳолатдан қониқиш ҳосил қилдим. Ҳа, биз иккила ўйинда ҳам гол ура олмадик. Лекин келажагимиздаги ишларимиз яхши бўлади, албатта”.
“Андижон” матбуот хизмати.