Академик эшкак эшиш. Терма жамоамиз Осиё чемпионатида иккинчи бўлди!

Самарқандда академик эшкак эшиш бўйича Осиё чемпионати ўз якунига етди. Мусобақанинг сўнгги кунида ҳам Ўзбекистон терма жамоаси аъзолари муваффақиятли иштирок этиб, 2 та олтин, 3 та кумуш ва 2 та бронза медалларига сазовор бўлишди. Бу ҳақда Миллий Олимпия қўмитаси матбуот хизмати хабар тарқатмоқда.

Иккинчи кунги беллашувларда қуйидаги спортчиларимиз шоҳсупага кўтарилди:

Олтин медаль:
М2-: Д.Худойбердиев, Ф.Каримов
М8+: А.Турдиев, Д.Худойбердиев, Ш.Ҳамдамов, Е.Агафонов, Ф.Облақулов, Д.Давронов, Ф.Каримов, С.Ҳамроқулов

Кумуш медаль: 
W2х: А.Пракатен, М.Тагматова
М1х: М.Маматқулов
М4х: Ж.Турғунов, Ш.Холмурзаев, М.Маматқулов, С.Сафаралиев

Бронза медаль: 
W8+: С.Абдурашидова, Б.Сатторова, Р.Каримова, Р.Сатторова, В.Перегудова, С.Қўзимуродова, О.Сатторова, А.Сметуллаева
LW4х: Ш.Раҳмонқулова, А.Драсутите, Ш.Жўрабоева, Е.Соловёва

Шу тариқа, спортчиларимиз мазкур қитъа биринчилигини 5 та олтин, 4 та кумуш ва 3 та бронза, жами 12 та медаль билан умумжамоа ҳисобида Хитойдан сўнг иккинчи ўринда якунлашди.